攏會寄送紙本ê捐款證明（感謝函）。

阮會盡量趕緊寄予--你。基本上8/20進前攏會寄出。

1991年《台文通訊》tī北美創刊，tī台文面臨滅種危機ê年代點著1 pha「火種」。這份刊物大力推sak「漢羅合寫」kap台文數位化，突破漢字無法度完全寫出台語ê制限，hō͘大家「會曉講tio̍h會曉寫」。這場展覽m̄-nā是回顧這35冬ê歷史跤跡，koh是咱Tâi-oân人重新建立母語書寫系統ê重要見證，需要大家做伙參與來傳承

為tio̍h感謝您ê支持，阮備辦了真豐富ê募資回饋。你會使上WaBay挖貝平台，揀選適合您ê募資方案，支持咱ê文化koh有物thang提。

阮beh辦理為期2個月ê紀念展覽、Tâi-oân文學論壇hâm講唱會，需要真大ê資源，需要您ê鬥相共。