阮這ê產品其中1 ê重要ê特色，就是欲予你自然來學台文、學羅馬字！

每1 ê語詞點讀卡內底，點圖著有語詞發音，點文字ê所在著有語詞「呼音」。

聽「呼音」，自然學台語羅馬字「字頭」、「字尾」、「鬥字」、「聲調」！

甚至koh會當對發音內底，自然學習變調ê規矩，和咱學講話仝款--neh～

你若感覺台文、台語羅馬字歹學，這組點讀卡你一定愛用看māi ❤️

阮台語貓2018年有設計另外1組牌仔，原本號做「來sńg台語牌仔」。

是類似poker牌仔ê方式，予家長、教師做教具，來學台語字母、聲調符號。

因為是教具，需要會曉ê人來教學、引導，才有法度使用。

阮這擺發表ê新產品「台英雙語點讀生活語詞卡」，除了會當做教具，

嘛會當予囡仔、學習者，利用點讀筆ê功能聽聲，家己sńg、家己學！

內底嘛有設計語句卡ê功能、得分ê機制，會當變化、互動～

「來sńg台語牌仔」單單學符號，「台英雙語點讀生活語詞卡」對生活語詞聲音、呼音，來學文字。

2種方法攏是我tī教學現場會使用ê方式，變做產品予一般人嘛會當利用！❤️

阮牌卡頂面語詞有寫台文、英文。

台語是專業母語者（烏肉先生）錄音，有：發音、呼音（鬥字）、例句、嘛有人講。

台文是白話字，tī台灣已經發展150冬，古早有文獻、現代嘛有真濟作品。

內底無漢字，因為對囡仔、語言初學者來講，學習白話字上有利益，

學了隨會當做文字使用，免閣了時間加記漢字，嘛有真濟資源直接會當家己讀。

英語詞是美國人母語者（Tristan H. 崔璀璨）錄音，語詞和發音攏是照美國--ê。

1擺學習2種羅馬字系統，對囡仔未來學習多語文會有真大ê幫贊，愈在地嘛愈國際！

阮牌卡頂面有台文（白話字）和英文（美國母語者用法），是台、英雙語上好ê學習教材。

就語言學習ê理論，完全浸tī全台語文ê環境，效果上好。

咱現此時真濟全英語補習班，就是這ê道理。

這款語言習得ê方式，和咱細漢時學語文ê方式仝款，無經過二手翻譯，創造自然ê全母語環境！

＊若是詞卡內底ê資料你家己學習猶原有困難，咱說明書內底有提供台文、英文、華文，3語對照。

阮這ê產品是專門配合點讀筆來設計--ê，無適合單純買牌卡來用。

點讀筆ê技術是利用特別印刷ê方式，配合點讀筆來讀內底ê編碼，放指定ê聲音予你聽，對學習語文來講，是真利便ê工具！

點讀筆內底有專業台語、美語母語者錄音，全部計共大約90分鐘！

點讀筆配合牌卡，才有法度使用完整ê功能。

有 C-PEN 點讀筆，欲用阮ê牌卡無問題。

欲用進前請和阮聯絡，阮會寄檔案予你更新點讀筆～

感謝！

點讀筆是靠每一間公司家己特殊印刷編碼來做--ê，所以無法度相通，請諒情。

阮會選擇和台灣在地專業點讀筆廠商 C-PEN 合作，因為是市面上功能上多元、上自由ê點讀筆，價數嘛是上俗--ê！

未來若阮有增加新ê牌卡，嘛會當變做一組做伙使用，這是其他點讀筆做bē到--ê。

真推薦大家買來用～

阮ê產品已經攏製作完成，阮會盡量趕緊寄予--你。

基本上訂單成立了後，阮10 ê工作日內會寄。

阮目前會當寄到台灣島內、台灣外島，募資專案優待免運費。

其他所在若有特別需要，請另外和阮聯絡、參詳。

感謝！

若產品收--著了後發現有任何問題，請隨和阮連絡，阮會趕緊處理。

🐱 Tâi-gí Niau 台語貓
聯絡方式：Facebook / Instagram / Threads ➡️ @taiginiau
電子批桶 (Email)：taiginiau@gmail.com
標題請註明：《台語貓 鬥台語》募資、訂單編號
內容請寫訂單問題、你ê名姓kap Email（或者是其他連絡方式）

因為募資計畫是用個人名義來募資，所以阮無法度開發票，請諒情。

若個人，阮會當開「個人收據」做收款證明用，請納錢ê時選「個人收據」，或者是「不需要收據」。

若需要「公司用收據」報數，請另外和台語貓聯絡，阮會當另外處理。

感謝！

基本上落定了後阮著會隨kā你寄，若定單欲取消，請先和阮聯絡，確定阮猶bē寄--出-去，才有法度取消。若已經寄--ah，請看下底退貨流程。

若欲退貨，請注意，愛完全無拆過包裝貼紙、包裝膜，無使用--過，7工內退還，阮才會完全退錢。

『依照消費者保護法的規定，消費者享有商品貨到次日起七天猶豫期的權益。但請注意：猶豫期並非試用期，您所退回的商品必須回復原狀（須回復至商品到貨時的原始狀態）並且保持完整包裝（包括商品本體、配件、贈品、保證書、原廠包裝及所有附隨文件或資料的完整性），切勿缺漏任何配件或損毀原廠外盒（包括外盒包裝收縮膜），若因此產生整新費用等必要支出，將由您負擔，且不受限無條件退貨之規範。』

感恩 🙏🏻